7 20th St S, MI 49015
(www.myfbcbc.org)
old rugged cross

THINGLAMTAH HLUN A UM

Rev. Biak Lian Thang

April_Shema


1913 kum ah Evangelist George Bennard an timi cu it lo sing lo ko a nunnak tuaitu thil pakhat a rak um. Cui’ thil cu Thinglamtah tlunih Khrih ih tuarnak khi a si. Cuih thu cu theifiang sinsin dingin a zirzawi,  Baibal a siar ih thla a cam. Cuti cun Filipi 3:10 a run siar ngah tikah Thinglamtah tlunih an thatmi Jesuh ih a tuarnak le a thihnak cu amah hrangah a si timi fiang zet in a hmu suak ngah.

Veikhat cu Albion, Michigan khua ih Crusade a tuah laiah, tingtang te pakhat cu a liang ah a orh ih a irawm sungih suakmi cuih Thinglamtah thu cu hlafang ah a ser, cule hlaaw a phuah.  “Thinglamtah Hlun A Um/The Old Rugged Cross” tiah hlalu a bun. Hi hlate cu a nung zet ih Crusade a tuahnak hmun kipah mipi ih duhbikmi hla ah a rung cang. Culengah hi sanlai ih Evangelist hminthang Billy Sunday khalin a rak thei ve ih a Crusade tuahnak ih kipah a hmang ve. Cuti cun minung siarcawk lo revival thlengtertu hla ah a rung cang ih kum zabi 20 sungih mipi lungtham bikmi hla fiang (10) sungah a rung tel ban ve a si.

Hi hla hi tuni ahcun kum (100) lenglo a rei zo. Zaanthing hraap zet ih an rak sermi Khrih ih Thinglamtah tla kum (2000) tluk a hlun zo. Asinan, Khrih ih Thinglamtahnak cu “Keimah hrangah a si” ti a theitu pawl hrangah cun hi hla le hi Thinglamtah cu an hlun zet nan, an tar thei lo, an tharsal ringring sawn. Kan Bawipa Jesuh Khrih ih thihtuarnak Thinglamtah cu na thinlung mitthlam ah cuanter in thinlung tak tein hi hlate hi kan sak sal hnik pei:

Thinglamnak Hlun A Um/The Old Rugged Cross

A hlatpi tlang ahkhin.. Thinglamahnak a um, Ningzah retheihnak hmun a si. Hi leitlun sualtlennak thinglamtahnak a si. Duhnungza an that kan Bawipa cu..

Cho: Khi thinglamtah cu ka duh ngaingai. Ka nunnak hmuah a cem hlan tiangin, Ka hngauhsan mi khi thinglamtah cu.. Tuihnu sui lukhuh thawn thleng ding in.

Khi Thinglamtah cu leitlunmi’n hmuhsuam na in, Mangbangza lungzeltu a si. Vancung sunlawinak tan in Pathian Tuufa khi, Kalvari tlangah thihnak tuar in.

Khi Thinglamtah cu manhar thi luannak a si… Ka hmuh cun mangbangza ka ti. Khinah khin Bawi Jesuh thihtuarnak hmun a si. Keimai’ sual thianternak hmun a si.

Khi Thinglamtah cu a kumkhua in ka zum ding.. Ningzahnak hman ka tuar ngam ding. Vancung khua um ding I kawh tikah ka thlun ding. Amai’ sunlawinak zar ka to ding.


Share on Google+0Share on Facebook112

0 Comments

Add a Comment

Your email address will not be published. Required fields are marked *