7 20th St S, MI 49015
(www.myfbcbc.org)
God Bless America

GOD BLESS AMERICA

February Shema Cazual Edited Version

Rev. Biak Lian Thang

Donald John Trump cu a (45th) nak USA ram President si dingah January 20th ni, United States Capitol Innpi hmaiih mipi nuaitel hmaiah thukam laknak tuah in tuanvo pek a si zo. Trump in President sinak a co ve te’n a lungawipitu, thazangpetu an um vekin a demtu le soiseltu tla an bo ve lo. A dodaltu le a huatu pawl cun Washington D.C. le khawpi dangdang khal ah mibur lamzawhnak nei in demnak tongkam mawi lo le siar nuam lo catlangtar pawl keng in an duhlonak an pholang.

Kannih USA a thleng mi Laimi Khristian lak khal ah a duhtu le a duhlotu ti’n kan um ve. Asile, Khristian mitkharh thawn Acozah (Government) hi kan thlir tlang hnik pei. Tirhthlah Paul cun “Ramuktu Bawi pawl kha an thu ngai uh,” (Rom 13:1) tiah in fial. Ziangruangah an thu kan ngai a tul ti le: 1) Pathian ih lungkimnak loin zohman thuneitu an um thei lo (1b), 2) Atu’h thuneitu pawl hi Pathian ih retmi an si (1c), 3) Zokhal thuneitu a dotu cu Pathian a do a si (2a), tiah in sim. Curuangah “Uktu Bawi” pawl cu Pathian ih thuneihnak a pekmi/Divine Authority a cotu an si ruangah Khristian pawl cun kan dodal ding a si hrimhrim lo.

Amahbelte, cuih thuneihnak hmangsualtu uktu pawl cu an um ve. Tahthimnak ah Herod, Nero, Hitler, Saddam, Than Shwe???… tivek pawl an si. Hi bangtuk uktu pawl hnenah Piter cun, “Milai thu hnakin Pathian thu kan ngai sawn ding” (Tirh. 5:29) tiah a ti. Jesuh khal in Pilate Bawi hnenah, “Ka tlunih thu na neih theinak hi Pathian ih a lo pek ruangah a si….,” (Jn. 19:11) tiah a ti ve. Pathian in Pilate Bawi cu Jesuh tan dingah thuneihnak a pek nan Jesuh thahnak sawn ah a hmang sual tinak a si. Hi bangtuk ih thuneihnak hmang sual pawl cu Jesuh khal in a dem hai ve.

….. siangpahrang le ramsung hotu upa pawl hrangah thlacam uhla Pathian hnenah dil uh,” (I Tim. 1:2).

President Trump tuanvo an pek ni ah Rev. Franklyn Graham in Baibal bungcang pakhat a siar. Cucu Khristian pawl kan zate ih kan tuah hrimhrim ding mi a si, “….. siangpahrang le ramsung hotu upa pawl hrangah thlacam uhla Pathian hnenah dil uh,” (I Tim. 1:2).  Mr. Trump le a tlangbawi pawl in Pathian pekmi thuneihnak thawn mipi in hruaikai theinak dingah thlaza camsak cio uhsi.

 

Share on Google+0Share on Facebook112

0 Comments

Add a Comment

Your email address will not be published. Required fields are marked *