7 20th St S, MI 49015
(www.myfbcbc.org)
15896337_1183360138368051_7368577114186031051_o

Church Pastor Hnen Ihsin Kum Thar Aanka

Rev. Biak Lian Thang

shema-cazual-1

° Nitin Bible siar le thlacamnak in Pathian thawn bulpak pawlkomawknak caan (Personal Devotion) ka nei ringring ding.

° Rawlulh Thlacamnak ah ka tel ringring ding..

° Bible pumhlum in vei khat tal ka siar suak ding…

° Sunday tal cu hnatuan cawl in ka khawm ringring ding (Mandatory a si lo ahcun)

° Thenhra thenkhat dik zet in ka pe ding ih Biakinn saknak le Mission hrangah ka ti thei tawk in ka pe ding

° Innsang thlacamnak kan nei ringring ding

° Ni khat ah rawl vei hnih lawng ka ei ding ih Gym ka feh ringring ding. 10 lbs tal ka thumaw ding

° Cakkhai hman ding Bank ah $ 3000 tal ka ret ringring ding…

° Innsang ka nei ding  (Fala tlangval pawl) lole fala ka nei ve thlang ding (Tlangval pawl); tlangval ka nei ve thlang ding (Fala pawl)

° Ca ka zuam ding ih GPA A+ in ka ong tum ding (Tlawngta pawl)

° 2017 Model Mawtaw thar ka lei ding…. (Tlangval pawl an si deuh)

… hi pawl hi kan dung kum, kum thok tir laiih kan thlacam pawl an si. Kum a cem ih vun thlirsal tikah a tamsawn cu kan tuahsuak lo, kan hlawhtling lo. Tuahsuaklonak a san pawl cu “ka baang tuk/ka cau tuk/caan ka nei lo/ka buai tuk/kan harsa tuk” ti pawl an si.

Cathianghlim cun, “Na nunnak ih na ton cia mi hmuahhmuah thuphan ah maw a can theh? Thuphan cu an si theh lo ding na’n!” (Gal. 3:4) tiah in sim. Kum hlun sungih na hmuhtonmi, rilhbahnak, sunralnak, tlaksiatnak, harsatnak pawl hi a lak ih na tonmi pakhat hman an um lo. Rilhbahnak (Failure) pawl hi kalbak vekah hmang in tlunlam kainak ih hmangtu le ral vekah cangter in atu le tu va siim leuhleuh tu tin kan um. Kum hlun sungih “rilhbahnak lung” cu kum thar sung khal ah an ra thleng thotho ding. Cuih lungto cu sar awla na innhram ih a thukbiknak ah phum in a dang sar nawn hlah aw.

Cule “Ralring tein khuaruat aw, ziangahtile na ruahmi in na nunnak a siamrem ding,” (Thufim 4:23).  Na hlawhtlinlonak lawnglawng ruat nawn hlah, “…. Cu hnakin nan thinlung kha tharthawh tahratin thlengaw sawn uh.” (Rom 12:2)

Na tluksiatnak, na rilhbahnak le dunglet na tolhnak hi midang ruangah a si lo, nangmah ruangah a si.”

“Hriamnam cahnak le na thazang cahnak in siloin ka thlarau in na hlawhtling ding” (Zek. 4:6) tiah in sim. Na tluksiatnak, na rilhbahnak le dunglet na tolhnak hi midang ruangah a si lo, nangmah ruangah a si. Curuangah nangmah le nangmah rinsan aw hlah. Pathian rinsan aw, minung hi rinsan kan tlak taktak lo Khristian mi pitling, mi hlawhtling pawl cu anmah ah tah a si dah lo, an sungih a nungtu Thlarau Thianghlim cahnak in a si theu. Kum thar sungah Pathian rinsan in thazang thar thawn hlawhtlinnak thar ruahsan in kar thlang vivo uhsi.

Share on Google+0Share on Facebook0

0 Comments

Add a Comment

Your email address will not be published. Required fields are marked *