7 20th St S, MI 49015
(www.myfbcbc.org)
maxresdefault (1)

A Cemnak Leitlun Raalpi

 A Cemnetnak Leitlun Raalpi

  Biak Lian Thang

  Thuhmaihruai

Leitlun ah raalpi vei (2) a tho dah ih cui’ raal ruangah  minung 83 million  in nunnak an rak  liam phah.  Kum 1945 ih Leitlun raalpi a vei hnihnak  (World War II) a cem zawng ihsin tuni  tiang kum 60 zik sungah  Leitlunpi  hi a tlangpi thu cun  ramtin komkhawm awmi, ram burkhat le khat  doawknak ngaingai a suak hrih lo ti seh la kan sual lo men ding. Asinan, 1948 kum ah Middle East ih Palestine ram ah Israel pawl nih Israel ram (State of Israel)  an din ni ihsin thokin Middle East buainak cu  nikhat hnu nikhat a sosang vivo ih  leitlun hmunzakip tiang a cul ban phah thluh. Khuapi sungih ziin tlunah thisen runti bang in a luang, nunnak tampi pangpar pangin an ziam. Himi raalhrang (Terrorists) pawl ruangih thinak rapthlahzet pahnih te tarlang sehla, Sep 11,2001 ah New York ih WTC cu raalhrang (terrorist) pawlnih vanzam thawn an siatsuah ruangah sualnak neilo minung 3000 in nunnak an liam, 2005 kum, July thla London khuapi ih Meileng colhnak ah raalhrang pawl ih siahmi bomb a puakih sualnak neilo nunau le nauhak telin minung 100 lenglo an thi. A neuhneuh tete tarlang sehla cahmai in a daih lo ding. Kan leilung hi thisen rim a nam vivo.

  1. Ziangruangah Israel ram an dinsal?
  2. Pathian ih Pekmi Ram a si ruangah.

A luanciami kum thawngli lai ah Pathian nih Abrham hnenah,”Na umnak hmun ihsin sak le thlang, nisuah le nitlak, khuazakip hi thatein zohhnik. Na hmuhmi ram hmuahhmuah hi nangmah le na tesinfa hnenah ka lo pek ding ih kumkhua in nan ram a si ding,” (Seem 13:14-15) tiah thukam a rak tuah. Hi thukam cu Abraham ih tesinfa par tiang a run hmun cih  vivo. ” ziangah tile nangmah le na tesinfa pawl hnenah hi ram hmuahhmuah cu ka lo pe ding a si. Na pa Abraham hnenih ka rak thauhmi thukam cu ka kimter ding (Seem 26:3) tiah Abramham ih fapa Isaak hnenah A thukam khohternak a tuah sal. Cule  “Keimah cu Abraham le Isaak ih Pathian Bawipa ka si. Na ihnak hmun le ram hi nangmah le na tesinfa pawl ka lo pek ding,” tiah Abraham ih tuupa Jacop hnenah Pathian nih a run simsalnak kan hmu.

Israel pawl hi Pathian dungtun in caan tampi rak um  hai hman sehla Pathian cun an pupa pawl hnenih a kam ciami a thukam cu pelhsolh a tum dah lo. Jeremiah sungah,”……..hi thukamnak pawl cu baltheih a si nawn lo ding,” tiah Pathian in a thukam a hngetternak a langter a si. Curuangah Israel pawl cu Pathian ih pekmi Promise Land ah Israel ram an dinsalnak a si.

  1. An Ram an Duhdawt ruangah.

Isreal pawl cu Pathian ih a pekmi ramah hnagamtei’ um ti um thiam loin Promise Land ihsin duhlo na cingin dawisuah an tuar ringring. AD 70 kumah Rome Siangpahrang Nero in Israel pawlih uarbikmi an khuapi Jerusalem le Pathian an biaknak an Temple pi cu meisa in a nawk kangsak thluh ih Jerusalem khuapi cu hnawmpen ah a canter. Cuticun Israel pawl cu umnak hmun nei nawn loin leitlun khuaza ramkip tawi in kum reipi sung an rak vaivuan. Hithu hi AD 30 ah Bawipa Jesuh in a rak simcia zo, “…… Fiangtein ka lo sim: hi lungto pakhat hman hi a umnak keel  ah a um nawn lo ding; a zate in balthlak theh an si ding,” (Matt 24:2) tiah a rak ti.

Asinan, 1896 kum a thlen tikah cun Pathian in Miphun laina zettu Theodor Herzl hmang in Zionism bu a din. Himi Zionism pawl ih an tumtah bikmi cu leitlun hmun zakip ih a tthek darh aw thluhmi Israel pawl zaten Pathian ih pekmi Zion khuapi (Jerusalem) ah tlungkir sal ding ti hi a si.  Hi cangvaihnak hin Europe, Russia le leitlun hmun tin ih ummi Judah miphun pawl ih thinlung  a neh zet.

Tiamkam ramah um thei loin kum 2000 sung leitlun hmunzakip ah vakvai in an um hnu, a hmaisabik Israel pawlih tonkhawmnak cu Zionist Congress tiah an ko ih   Switzerland ram Basel khuapi ah 1897 ah an rak nei a si. Hi pawlkom hin sumlepai tla tampi an hawl ih Palestine ram ah loram tampi an lei. Cuticun, leitlun hmun kip ihsin Israel pawl cu Pathian pekmi tiamkam ram pan in a tingtel, a thawngtel, a zatel in an tlung ciamco ih an nuntu khuasaknak hramtohnak hrangah Zionism pawl nih nasazetin an rak tanpi. Cuticun, caan a hung rei vivo ih a netnakah cun Israel ram an dinsuak a si.

  1. Raalhrang (Terrorist) pawl Thawhkehnak

A tufang leitlun hmun zakip ah thihngam Muslim raalhrang 120,000 hnak ih tamcu training pek rero an si. Hivek raalhrang pawl hi ziang tivek in a rak suak timi kan zoh hnik ding.

  1. Unauhnih te thuanthu

Kum thawngli a reizomi unau hnih te ih thubuai ruangah tusun leitlunpi cu tih le khur in kan um rero. Hiti ih thil cang ding hi Amah Pathian rorin in Abraham sungsuak faate sung ihsin huatawknak maksak a tleng ding thu Hagar hnen ah a rak sim cia, “…..na fapa cu Laak hee vek a si ding. Mikip a raal ding ih, Mikip in an ral ve ding. Sungkhat thawn hman an umtlang lo ding,”. Cuticun Ishmael cu Arabs pawl ih Pa ah a hung cangih  a unau Isaac ih telefaa, Israel pawl hnenah phuba laknak ihsin a cemthei nawnlomi thatawknak thubuai ah a hung cangta a si.

Middle East ah hin phubalak awknak hi thupizet ah a ruatmi a si. Ziangtluk ih reizomi khal asile a tuartu ih sungkhat pawl cun an hngilhthei lo ih phuba an lak tengteng theu. Curuangah Arabs pawl cun, “A luanciami kum 50 ta phuba a lak,” an ti theu. Arab mi pakhat cun phubalak hi “rawl thaw zet ei vek a si,” ti ah phuba lak a duh daan a sim. Hivek thinlungput ruangah remnak thu rel thei nawn lo in Arab Muslim le Jews pawl karlak ah thahawknak ziin phunphun hawl in raalhrang tampi  a hung zaiter vovi a si.

  1. Raalnam Keng Prophet

AD 610 kiangkap ah Leitlun thuanthu thleng danglam thluhtu ding Muhammad an timipa cu a mah le a mah Pathian ih a netabiknak a prophet ka si a ti aw ih “Judah pawl ih Bible (Torah/OT) le Christian pawl ih Bible (Thukam Thar/NT) cu a sual/a palh a si. Pathian in kei mah hnen ihsin a phuanglangmi Koran (Muslim Bible) lawng hi a dik mi cu a si”, tiah Mecca le a kiangkap ah a aupi ciamco. A  ruahnak ahcun Judah mi tampi, Christian tampi le Biaknak neilo Arab miphun pawl in ka thu an zum dingih ka dung in thlun ding tiah a rak ruat aw.  Curuangah Koran zirhnak pawl cu nasazet in a zirh ciamco. Asinan kumthum sungah Islam biaknak ah minung 14 lawng a hruailut thei.

AD 622 ah   Arab pawl in  Mecca khua ah Koran thuzirhnak cu nasazet in an rak do. Curuangah Muhammad cu Medina ah dungthluntu mimalte thawn an va tlan. Medina khal ah kum hleithum sung  Islam zirhnak nasazet in a phuang nan a zumtu hnakin a dokalhtu an tam sawn. Curuangah a netnakah Muhammad cu Vancungmi Gabriel hnen ihsin thuphuan ka dong asi tiah a ti aw ih Jihad (Holy War) timi a thok. Jihad timi cu a thianghlimmi Raaldonak tinak asiih zokhal Allah biak dingah a eltu cu raalnaam  thawn  that vivo. Cuticun,  Arab tampi cu a hramhram in Muslim biaknak ah a luh ter.

Cuticun, Muhammad le a dungthlun pawl cu raalnam kai in khuakhat hnu khuakhat an do vivo. An netmi ram pawl cu a hramhram in Muslim an si ter. Muhammad ih raalkap pawl cun Arab ram ih a ummi Judah mi pawl siarcawk loin an that hai ih hleiah an neihmi inn le lo, sui le ngun hmuahhmuah tla a lawng tluh ih a raalkap thazaang somdawlnak ah nasazet in a rak hmang.

AD 625 hrawng ihsin  Muhammad ih a raalkap thazaang cu a cak zet thlang ruangah Mecca ih Koreish miphun pawl thawn rem an rak relmi pawl pahbal thluh in a do ciamco hai ih a netnak ah cun Mecca khuapi cu Muhammad kut sungah a tlak ta riai. Hiti vekin tusun ni tiang an biaknak cu raalnam le hriamhrei thawn kilhim le thansoter an tumnak ihsin leitlun ah raalhrang (terrorist) pawl an hung suak vivonak a si.

III. Raalhrang pawl dungih Thahrampi cu zo a si?

Muslim pawl ih tumtahbikmi cu Jihad raalnam hmangin Christian, Judaism le Muslim silomi biaknak hmuahhmuah cu leitlun ihsin cemter ding khi a si. Muhammad ih a rak zirhdahmi bangin “khatlam kutah Koran Bible, khatlam kutah Raalnam” ti tahratin Koran zirhnak a thlunlotu cu raalman thawn thah vivo dingah Allah ih fialmi kan si tiah an zum. Cutincun, an mithatnak raalnam hriam sinsin dingin zin phunphun hawl in a zuam.

1990 kiangkap ah Osama bin Laden ih homi Al Qaeda timi raalhrang pawlkom an ding. Osama bin Laden hi milian fapa asiih a pa hnen ihsin $ 250 millions cu ro ah rak dong tu pa a si. Cuhleiah leitlun ih bing (Heroin) tambik suaknak Afghan ram  ih bing hmuahhmuah a kut sungah a um thluh. Culengah leitlun ih milianbik pawl umnak Saudi ramih milian pawl hnen ihsin siah (tax) tampi a lak. A peduhlo pawl cu a that hai ruangah thih tihin milian pawl hnen ihsin diklo zetin sumpai tam zetzet a lak theu a si. Cutiih  zin phunphun khuar in a hawlmi sumpai hmuahhmuah cu leitlun ram zakip ih a um mi Muslim raalhrang pawl cawmnak le bomnak ah a hmang thluh.  Vanzam mawn tiang a zirter hai. Cuticun, American pawl thatnak ah a run hmang leh a si. A tumtahmi cu U S le Russia ram uknak siatsuah in Muslim zumnak thehlar ding ti a si.  Al Qaeda raalhrang pawlkom hi raalhrang tuan dingah ralkap hawltu pawlkom tumbik tla an si.

1979 kumah Muslim Tlangbawi,  Ayatollah Ruhollah Khomeini an timi pa cu Iran ramuktu a hung cangih “Islamic Republic of Iran” acohzah a din. Hi acozah ih tumtahbikmi cu leitlun pi hi Muslim uknak tangah ret ding ti khi a si. An tumtahmi hlawhtlin theinak dingah hriamhrei a phunphun an tuah ih a tu  ah cun Leitlunpi siatsuah theinak hriamhrei rapthlah Nuclear Weapon an tuah rero lai ih a rei hlan ah a hlawhtling ding ti a si.  Culawng siloin, Jihad raalhrawng tampi an hawl, an cawm ih an zirh.

Raalhrawng pawl, Thihcih Bumphuatu (Suicide Bomber) pawl hi a tlangpi thuin kum 18 ihsin 27 karlak hnatuan neilo mino pawl an tambik. Mah thicih ih bomb a phuahtu hi mithat  asi tiah an ruat lo. Allah hrangah a thi asi an ti ih upat sunloihnak an pek. Sumpai tampi cu a sungkhat unau pawl an pek. Pension tiang an pek a si. Curuangah Suicide Bomber tambik hi mifarah  mino pawl an tambiknak a si.  Culawng siloin, vancungah van falamawi virgin 72 thawn nulepa sinak a duhtawkin a hmang thei ding tiah biaknak lam in an zirh ruangah Suicide bomber pawl hi innsang nei hrihlo mino mifarah pawl an tambiknak a si. A tawi zawngin kan sim asile Suicide bomber pawl hi a tlangpi thuin mifarah,hnatuan neilo le innsang neihrihlo pawl an tambik a si. Hi a tlun ih thu pawl kan zoh tikah Raal hrang pawl ih dungah Milian  maktara, uktubawi le biaknaklam ih puithiam sang zetzet pawl an um a si ti fiangten kan hmu thei.

  1. Pathian Vs Satan

Arab Muslim hotu zate in a bangawmi tumtahnak an neihmi cu, “Israel pawl kha Leitlun ihsin an ci mit ter ding,” ti hi a si. “Arab pakhat in Jews pakhat cio kan that asile Jews pawl cu an cem mei ding” ti hi a si. Culawng siloin, “Mediterranean tifinriat hi Israel pawl ih thisen thawn kan sen ter ding,” ti ta rori in an huatnak a so sang. A tu fang ih Israel Prime Minister, Benjamin Netanyahu in, “Arab pawl cun ka tuahmi ruangah silo kan sinak (What we are) rori kha an huat”, tiah a ti.   Hi tiih thil a hung cang ding hi kan Bawipa Jesuh in hitin a rak sim cia, “Cun an lo kai dingih hrem ding le that dingah mi kut ah an lo thlen ding. Keimah raungah miphun kip in an lo hua ding…,” (Mtt 24:9).

Jesuh ih simmi vek cekci in Satan cun Israel hi a hua ngaingai. Leitlun ihsin cimit dingah Satan cum a zuam ringring. Asinan a hlawhtling thei dah lo. Leitlun ralpi vei (1) nak khal ah Nazi Germany pawl in Israel pawl 6 million rori an that nan an ci a mit thei lo. Tusan khal ah Arab ram hmuahhmuah in Israel miphun hi Leitlun ihsin an ci mitter an tum rero nan an karh deuhdeuh ih an cak deuhdeuh sawn. Satan in Israel a huatnak san bikcu Isreal cu Pathian ih hrilmi miphun an si ruangah le Isreal miphun sung ihsin leitlun rundamtu Jesuh Khrih a suah ruangah a si.

Arab ram ih Muslim pawl umnak hi  8,879,548 ml2   tluk in a kau ih Israel ram cu 8,000 ml2 tia lawng a tum. Himi Arab ram sungah Mulim ram 35 an um ih Israel ram hnak in a let 1,109 in a tum. Asinan, mangbangza zetin 1967 kum ah 6 days war timi doawknak ah  Israel cu Arab ram, ram (7) komkhawmmi ralkap pawl in nasatak in an do ciamco nan an neh thei ta lo. Ram (7) sungih telmi Egypt ram pakhat lawngih neihmi ral hriamhei le ralkap zat hman neilomi Israel in, a ni 6 nak ah a neh thluh hai. Arab pawl in Israel ram lak thluh dingin an do na laiah Israel riangri in a neh hai ruangah Israel cu a hlan hnakin a ram a kau sinsin. Gaza ram west bank tiangin a hui thluh.

Mangbangza pakhat asi hrihmi cu hitlukih ral, ram 35 ih kulhthluhmi ram fate, leilung tlunih ram fatebik pawl lakah a telmi Switzerland ram ih a  a hrek tluk lawng asimi ram le mipum 6 millions lawng ummi miphun hi a ral pawl ih lai fangah khoh zetin a ding thei ringring timi hi khuaruahharza ngaingai a si. Israel ralkap pawl hi leitlunah ralkah thiambik an si. Middle East ah Israel ralkap pawl cun hmun thupibiknak pawl ah ttan an khuar thluh ruangah an ral pawl cu duhvekin an cang thei lo. Mossad tiih mipi theihlar zetmi Israel Thlingthlatu pawlkom hi CIA le FBI pawl hnakin an cak ih leitlun ah Spy thiambik pawlkom an si. Mossad Thlingthlatu pawl ruangah raalhrawng pawlih tumtahmi tampi phorhsuahsak a si ih raalhrang pawl  thazang maltertu thahram thabik pawlkom an si. Israel pawl ih Electronic Technology hi a sang tuk raungah leitlunah a hung dottheitu hman an um lo ti tluk a si. Hi thu pawl kan zoh asile Pathian cu Israel ttantu a si ih Satan cu Arab pawl bawmtu asi ti a fiang.

  1. Zonih a neh? ­­­­­­

Matthai 24:9,10 sungih Jesuh ih in simcia mi hi nikhat hnu nikhat a kim vivo. Israel hi Muslim hmuahhmuah ih huatmi miphun an si. Muslim lawng hman siloin Nazi Germany pawl in an rak huattuk raungah Holocaust timi miburpi thahnak rapthlah ah Israel mi  6 millions lai an rak that. Pathian awi duhlo ram, leitlun ih communist ram tumbik an rak timi Soviet Union (tu ah Russia tiih kawhmi) ram khal tuah cun Israel ih ral tumpi ah a cang zo. Russia ram le Arab ram komkhawm awmi ralhrang bu cun Israel ram hnawmpen ih canter dingin a phunphun in an tawlrel rero. Hi ralbuainak ruangah minung tampi’n nunnak an liam zo. Thlanmual ah hmun lawng a um nawn lo.  Mediterranean  Tifinriat ih an thisen luangmi a mal nawn lo. Asinan hi thisen pawl hi Arab pawlih tumtahmi vekin Israel pawl ih thisen si sawn loin, an mah Arab pawl ih thisen a rak si sawn. Thlanmual tlunih lungtlap parah Israel pawl ih hmin nganmi hnakin Arab pawlih hmin a let in a tam sawn. Hithu khal hi Prophet Ezekiel nih hitin a rak sim cia, “Siatralnak a phunphun in Gog cu ka thihthaih ding. Cungnungbik Bawipa keimah in ka sim zo. A ralkap pawl cu anmah le anmah parah an ralnam an hawi ding. Natnak le thisen suahnak in Gog cu ka hrem ding. Ruah le rial cu meisa le katmei thawn amah le a ralkap pawl le a hnenih a tangtu miphun hmuahhmuah pawl parah ka burh ciamco ding. Cuticun miphun hmuahhmuah hnenah mi maksak ka sizia le mi thianghlim ka sizia cu ka langter ding. Cule Bawipa ka si kha an thei ding,” (Ezk 38:21-22) ti ah a rak sim cia. Gog timi hi tusan ih Russia tinak a si.

Israel ram cu ram fate asinan zo hman in an neh thei lo. Ziangah tile Pathian in a humhim ruangah a si. Hiti ih a cemnetnak ralpi ah Israel cu cahnak huham thawn a hung thosal thei hi ni netabik kan thleng ti langternak dingah a si. Tusun ah kan nih teh ni nebatik hrangah kan tim kan tuah zo maw?

Hminsin: Dr. Tim LaHaye ih nganmi, “The Next world war” timi cabu hngohsan ih nganmi a si.

Share on Google+0Share on Facebook79

0 Comments

Add a Comment

Your email address will not be published. Required fields are marked *